bandeiras, idiomas, xeitos de entender, sentir e xeitos de xogar; espacio de victorias e derrotas, de ledicias e tristuras que son refrexo menor da mesma vida. Gracias por comprender que todo xesto solidario coas xentes traballadores do mar, vale e suma.
Gracias ó noso Deportivo, gracias xogadores da Costa da Morte por vir de lonxe e estar con nós.
Voso esforzo curtido, feito entre as victorias e as derrotas é o mellor exemplo.
Tempo pois, para trascender máis alá das palabras: tempo para poñer os pes nas praias, no problema; as mans no chapapote... pero tamén nos mercados, nas prazas de abastos, nos postos de productos do noso mar. Tempo para saborear os froitos das rías. Así -proxectando os sentidos- comprendemos, queremos e defendemos canto de bo pode Galicia ofrecer ó mundo.
Que, máis alá da praga do alcatrán, a referencia a Galicia siga sendo o Pórtico da Groria, as Murallas de Lugo,

a Torre de Hércules, o Tegra, Fisterra, Teixido e Bares, as Ribeiras Sacras, os ribeiros, as serras, a beleza das rías... a xente boa e xenerosa, os sabores do mar e da terra cociñados con tradición, o humor, a moda, os nosos grandes deportistas, equipos e xogadores, a nosa ansia traballadora...
Veleiquí, entre todos vós, refrexo da Galicia digna, positiva, solidaria e sempre esperanzada que sabe compartir:
¡ADIANTE¡
VIVA A COSTA DA MORTE
VIVAN AS XENTES DO MAR, RÍAS ALTAS E BAIXAS, VECIÑOS DE PORTUGAL E O CANTÁBRICO
VIVA TODA A GALICIA MARIÑEIRA
¡¡ADIANTE SEMPRE!!
¡¡ VIVA SEMPRE A COSTA DA MORTE¡¡¡

Alocución do historiador e museólogo Felipe Senén no
partido de homenaxe ós afectados pola marea negra