Os premiados foron os protagonistas da xornada que distingue "a tódalas persoas que, polos seus méritos en calquera aspecto social, cultural ou económico, sexan dignas de obteren o recoñecemento do pobo galego". En total, trinta medallas: ouro 2002 para o Deportivo; ouro 2001 a título póstumo, para Eugenio Granell; catorce de plata e catorce de bronce.

A gaiteira Susana Seivane, afeccionada e socia deportivista, foi a encargada de darlle pulo ó acto. Seivane, que ten un can que se chama Djalma e un canario de nome Donato, está considerada internacionalmente coma unha das mellores gaiteiras. No auditorio compostelá deixou constancia do seu maxisterio. Dende estas páxinas, felicitámola pola súa proxección e o seu recente casamento.